თბილისური დღეები მილანში 15-17 ოქტომბერს გაიმართება
Merani.TV 
15 ოქტომბერს მილანში თბილისური დღეები გაიმართება, სადაც წარმოდგენილი იქნება ქართველი მხატვრების, ხელოვანებისა და დიზაინერების ჯგუფური გამოფენა.
გამოფენის ორგანიზატორი ქართულ-იტალიური კულტურული ასოციაცია ,,მილანიუმია'', რომელმაც საქართველოს საგარეო საქმეთა სამინისტროს მიერ გამოცხადებულ საგრანტო კონკურსში გაიმარჯვა.
,,გაცნობებთ, რომ ასოციაცია "მილანიუმი" 15•17 ოქტომბრის პერიოდში წარმოგიდგენთ ‘დიასპორული ინიციატივების ხელშეწყობის’ ფარგლებში გამარჯვებულ პროექტს ~ “თბილისური დღეები მილანში”.
პროგრამა და აქტივობები საინტერესო და მრავალფეროვანია.
• გამოფენის გახსნის დღეს 15 ოქტომბერს, ორგანიზატორების მიერ ქართველი მხატვრების, ხელოვანების წარდგენა და მათი ნამუშევრების გაცნობა მოხდება საზოგადოებისთვის;
• მოეწყობა ღვინის ქართული მარნების პროდუქციის პრეზენტაცია და დაგემოვნება;
• საღამოს, ქართველი მხატვარ~კალიგრაფის ორიგინალური მასტერკლასი დააგვირგვინებს.
გამოფენის მეორე დღეს, ქართველი ენათმეცნიერის გამოსვლას მოვისმენთ ქართული ანბანის ისტორიაზე.• გაიმართება პოეტი მხატვრის ახალი კრებულის პრეზენტაცია.
• მუსიკალური ჩართულობით საღამოს გაამრავალფეროვნებს ცოცხალი კლასიკური მუსიკა და დაასრულებს
• ქართველი მხატვრის ორიგინალური მასტერკლასი ქართული ღვინით!
ხატვის მოყვარულთათვის ნამდვილი დღესასწაული იქნება!
მესამე დღეს კვლავ გაგრძელდება სტუმრების, დამთვალიერებლების მიღება, საუბრები ქართულ კულტურასა და მხატვრობაზე.• კვლავ შედგება საინტერესო მასტერკლასი და საღამო, ქართული ღვინის, ტკბილეულის დაგემოვნებით დასრულდება.
• დაუვიწყარი დღეები გელით საინტერესო სტუმრებთან ერთად და გვეწვიეთ, დატკბით ქართული ანბანით, ხელოვნებით!
უნდა აღინიშნოს, რომ გამოფენა წარიმართება ქართული, ნაციონალური ჟღერადობით ~ ქართველი მუსიკოსისა და კომპოზიტორის ელექრტონული მუსიკის ფონზე.• მოიწვიეთ იტალიელი მეგობრები, ახლობლები, რათა გაეცნონ ძველ ქართულ, გამორჩეულ კულტურას და თანამედროვე ხელოვნებას.
მოიწვიეთ როგორც მილანელები, ასევე ქალაქის სტუმრები.'' - წერს Milanium ფეისბუქის ოფიციალურ გვერდზე.
ქართულ-იტალიური კულტურული ასოციაცია სტუმრებს გალერეაში ,,ARCADIA ART GALLERY''-ში ელოდება.
მისამართი: Ripa di Porta Ticinese, 61 / 20143 - Milano
